Closing date: 25 June 2018 (17:00)

The Cambodia Climate Change Alliance (CCCA) is a multi-donor initiative funded by EU, Sida, and UNDP with a comprehensive and innovative approach to address climate change in Cambodia. The overall objective is to strengthen national systems and capacities to support the coordination and implementation of Cambodia’s climate change response, contributing to a greener, low carbon, climate-resilient, equitable, sustainable and knowledge-based society. The specific objective is to contribute to the implementation of the Cambodia Climate Change Strategic Plan 2014-2023.

CCCA is seeking for qualified, talented, and result-oriented candidates to fill the position below:

រាជធានីភ្នំពេញ នាព្រឹកថ្ងៃសុក្រ ៣កើត ខែបឋមាសាឍ ត្រូវនឹង​ថ្ងៃទី១៥ ខែមិថុនា ឆ្នាំ២០១៨ នាយកដ្ឋានប្រែប្រួលអាកាស​ធាតុ​ក្នុងនាមជាលេខាធិការដ្ឋាន​នៃក្រុមការងារ​បច្ចេកទេស​ប្រែប្រួល​អាកាសធាតុ បានរៀបចំនិងសម្របសម្រួល​កិច្ចប្រជុំលើកទី៣​រវាងក្រុម​ការងារបច្ចេកទេស​ប្រែប្រួលអាកាសធាតុ​ជាមួយដៃគូ​អភិវឌ្ឍន៍​ផ្នែកប្រែប្រួលអាកាសធាតុ ក្រោមអធិបតីភាពរបស់ ឯកឧត្តម ជួប ប៉ារីស៍ អគ្គលេខាធិការរងនៃអគ្គលេខាធិការដ្ឋាន​ក្រុមប្រឹក្សាជាតិអភិវឌ្ឍន៍ដោយចីរភាព ដោយមានការចូលរួមពី​សមាជិក​​ក្រុមការងារបច្ចេកទេសប្រែប្រួល​អាកាសធាតុមាន​សមាស​ភាព​ពីក្រសួង-ស្ថាប័ន ដៃគូអភិវឌ្ឍន៍ និងអង្គការមិនមែនរដ្ឋាភិបាល សរុបចំនួន៣៨នាក់ ដែលក្នុងនោះមានស្ត្រីចំនួន១០នាក់ ។

រាជធានីភ្នំពេញ នៅថ្ងៃព្រហស្បតិ៍ ៩រោច ខែជេស្ឋ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៧ ខែមិថុនា ឆ្នាំ២០១៨ ក្រុមប្រឹក្សាជាតិអភិវឌ្ឍន៍ដោយចីរភាព បានរៀបចំ​សន្និសីទស្តីពីការធ្វើ​សមាហរណកម្មផែនការស្តីពីការចូលរួមចំណែក​របស់រដ្ឋភាគី​ក្នុងការ​អនុវត្ត​​អនុសញ្ញាក្របខណ្ឌ​សហប្រជាជាតិស្តីពី​ការប្រែប្រួល​អាកាសធាតុ​(Nationally Determined Contribution: NDC) ទៅក្នុងផែនការ​អភិវឌ្ឍន៍ជាតិ ក្រោម​ប្រធានបទ “ទម្លាប់ប្រតិបត្តិល្អៗនៅថ្នាក់អន្តរជាតិ និងទិសដៅ​សម្រាប់​ប្រទេស​កម្ពុជា” ដោយមាន​ការគាំទ្រហិរញ្ញវត្ថុពីរដ្ឋាភិបាលស៊ុយអែត និងកម្មវិធីសម្ព័ន្ធភាព​ប្រែប្រួលអាកាសធាតុកម្ពុជា និងមានការអញ្ជើញចូលរួមពីតំណាងក្រសួងស្ថាប័ន ដៃគូ​អភិវឌ្ឍន៍ វិស័យឯកជន គ្រឹះស្ថាន​សិក្សា អង្គការមិនមែនរដ្ឋាភិបាល និងអ្នកជំនាញ​ជាតិ និងអន្តរជាតិ សរុបប្រមាណ​១៥២នាក់ ក្នុងនោះស្រី្ត៣៨នាក់ នៅសណ្ឋាគាររ៉ាហ្វល ឡឺរ៉ូយ៉ាល់ ក្រោមអធិបតីភាព​ឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថាន តំណាង​ឯកឧត្តមរដ្ឋមន្ត្រី​ក្រសួងបរិស្ថាន និង​ជាប្រធានក្រុមប្រឹក្សា​ជាតិអភិវឌ្ឍន៍​ដោយ​ចីរភាព និងលោកជំទាវ ម៉ារៀ សាហ្រ្កេន ឯកអគ្គរាជទូតប្រទេសស៊ុយអែត ប្រចាំនៅកម្ពុជា។

រាជធានីភ្នំពេញ៖ នៅថ្ងៃព្រហ្បតិ៍ ១០កើត ខែជេស្ឋ ឆ្នាំ​ចរ សំរឹទ្ធិស័ក ព.ស. ២៥៦២ ត្រូវនឹងថ្ងៃទី​២៤ ខែឧសភា ឆ្នាំ​២០១៨ អគ្គលេខា​ធិការ​ដ្ឋាន​ក្រុមប្រឹក្សា​ជាតិអភិវឌ្ឍន៍ដោយចីរភាព សហការជាមួយ​សាលា​រាជធានី​ភ្នំពេញ រៀបចំសិក្ខាសាលាបណ្តុះបណ្តាលស្តីពីការ​ប្រែប្រួល​អាកាសធាតុសម្រាប់​ថ្នាក់ដឹកនាំវ័យ​ក្មេង​និង​យុវជន​រាជធានី​ភ្នំពេញ​ដែលអញ្ជើញមក​ពី​មន្ទីរវិស័យពាក់ព័ន្ធ និងគ្រឹះស្ថាន​អប់រំ/សិក្សា​នៅក្នុង​រាជធានីភ្នំពេញ សរុបប្រមាណ​១៣៤នាក់ ក្នុងនោះស្រ្តី៣០នាក់ ដើម្បី​បង្កើន​ចំណេះដឹងថ្មីៗអំពីមូលហេតុនិងផលប៉ះពាល់នៃការ​ប្រែប្រួល​អាកាសធាតុ ការឆ្លើយតបរបស់រដ្ឋាភិបាល​នៅថ្នាក់ជាតិ​និងអន្តរជាតិ ព្រម​ទាំងវិធីសាស្រ្ត​នានាដែលរាជធានីភ្នំពេញ​អាចចាត់វិធានការបន្ស៊ាំ និងកាត់បន្ថយ​ឧស្ម័នផ្ទះកញ្ចក់​។ សិក្ខាសាលាបណ្តុះបណ្តាលនេះ ប្រព្រឹត្តិ​ទៅក្រោមអធិបតីភាព ឯកឧត្តម ទិន ពន្លក អគ្គលេខា​ធិការក្រុមប្រឹក្សា​ជាតិអភិវឌ្ឍន៍ដោយចីរភាព និង​ ឯកឧត្តម ហួត ហៃ អភិបាលរងនៃគណៈអភិបាល​រាជធានីភ្នំពេញ ដែលរៀបចំដោយ​នាយកដ្ឋានប្រែប្រួលអាកាសធាតុ និងគាំទ្រ​ពីកម្មវិធីសម្ព័ន្ធភាពប្រែប្រួល​អាកាស​ធាតុ​កម្ពុជា​(CCCA) នៅ​សណ្ឋាគារ​កាំបូឌីយ៉ាណា។

ក្រសួងសេដ្ឋកិច្ចនិងហិរញ្ញវត្ថុ និងក្រុម​ប្រឹក្សា​ជាតិ​អភិវឌ្ឍន៍ដោយចីរភាព បានសហការប្រកាស​ដាក់​ឱ្យ​ផ្សព្វផ្សាយជាផ្លូវការ​នូវ “លទ្ធផលសិក្សាស្រាវ​ជ្រាវ​ស្តីពី​ម៉ូដែលផលប៉ះពាល់នៃការ​ប្រែប្រួលអាកាស​ធាតុ​លើ​កំណើនសេដ្ឋកិច្ចកម្ពុជា” នៅថ្ងៃសុក្រ ១៣កើត ខែពិសាខ ឆ្នាំច សំរឹទ្ធិស័ក ព.ស. ២៥៦១ ត្រូវនឹង​ថ្ងៃទី២៧ ខែមេសា ឆ្នាំ២០១៨ នៅទីស្តីការ​ក្រសួង​សេដ្ឋកិច្ច​និងហិរញ្ញវត្ថុ។

លទ្ធផលនៃការសិក្សាស្រាវជ្រាវបង្ហាញថា ការប្រែប្រួល​អាកាសធាតុ​អាចធ្វើឱ្យផលិតផលក្នុងស្រុកសរុប​របស់​ប្រទេស​កម្ពុជា​ធ្លាក់ចុះប្រមាណជិត១០% នៅត្រឹមឆ្នាំ​២០៥០ (ហើយប្រមាណ២,៥% នៅត្រឹមឆ្នាំ​២០៣០)។ ផលប៉ះពាល់ចម្បងទីមួយ គឺផលិត​ភាព​ការងារមាន​ការធ្លាក់ចុះ​​ដោយសារតែ​សីតុណ្ហភាព​កើនឡើង ទីពីរ​គឺផលប៉ះពាល់នៃព្រឹត្តិការណ៍​ធាតុអាកាសធ្ងន់ធ្ងរ​ទៅលើ​ហេដ្ឋារចនាសម្ព័ន្ធ ដែល​ជះឥទ្ធិពលទៅលើគ្រប់វិស័យនៃសេដ្ឋកិច្ច និង​ទីបី គឺប្រាក់ចំណូលមានការធ្លាក់ចុះ ដោយសារ​តែការ​ខូចខាត​ផលដំណាំ​ក្នុងវិស័យ​កសិកម្ម ក្នុងចន្លោះរយៈពេលពីបច្ចុប្បន្ន​រហូតដល់​ឆ្នាំ​២០៥០។

វីដេអូនេះក៏មានជាភាសាអង់គ្លេស៖ https://www.youtube.com/watch?v=RVprJ3l58Rc